Rede Municipal de Museos de Gijón/Xixón[ Folleto]

La Fundación Municipal de Cultura , Educación y Universidá Popular de Gijón/Xixón editó el nuevu folletu de la Rede Municipal de Museos de Gijón/Xixón. Coles mires de espublizar los equipamientos que componen esta Rede , la edición presenta los aspeutos más característicos de los ocho museos de titularidá municipal: Parque Arqueolóxicu-Natural de la Campa Torres, Muséu de les Termes Romanes de Campo Valdés, Villa Romana de Veranes, Muséu Casa Natal de Xovellanos, Muséu Nicanor Piñole, Muséu del Ferrocarril d’Asturies, Muséu de la Ciudadela de Celestino Cortil y Muséu del Pueblu d’Asturies.

El llector va poder atopar nes sos páxines xuna información actualizada de contestu de cada unu de los museos, según los datos de dirección, contactu y accesu (gratuitu ), ilustraos con delles imaxes que presenten dalgunes de les pieces fundamentales, y icónicas, que componen les sos colecciones museográfiques.

Esti nuevu folletu de la Rede Municipal de Museos de Gijón/Xixón ye de distribución gratuita y va tar a disposición del públicu nos museos de la Rede , según n’otros puntos de la ciudá , col enfotu de espublizar los ocho museos, tanto al públicu local como al turista , de cara a la nueva temporada veraniega .

El folletu , amás, cuenta con una versión dixital que foi traducida a dellos idiomes (asturianu , inglés, francés y alemán). La so descarga gratuita nos distintos dispositivos móviles ye posible al traviés de la páxina web municipal, y al traviés de códigos QR que van tar accesibles nos mesmos museos, según en puntos d’interés turísticu de la ciudá .